容海恩去联和墟搵嘢食

新民党立法会议员容海恩。

今日时报网6月7日讯（记者 龚学鸣）：香港18区，区区都有美食。新民党立法会议员容海恩（Eunice）早前就到粉岭联和墟品嚐多款区内美食，包括猪手麵、鸡脾包同埋肠粉等，仲拍埋片同网民分享佢嘅美食之旅。

除咗「食好西」，Eunice仲介绍咗区内地标、被列为三级历史建筑嘅联和市场。佢话，联和市场响1951年建成，2002年停用。旧年年底，发展局推出嘅第五期活化历史建筑伙伴计划，就联和巿场在内嘅五栋建筑收集咗唔同团体嘅计划书，预计2018年上半年会公布评审结果。Eunice话，以前联和市场一带好繁荣，市场内外都有好多摊档同美食，自己都期待活化工程开展，希望联和市场尽快有新面貌俾大家见到。