梁颂恆认衰「生旧叉烧好过生我」

歌手苏永康日前宣布将为人父，佢接受访问时讲到明唔想仔女「背祖忘宗、分裂国家」:「我不想生一个梁天恆」，一石激起千层浪，唔少网民都畀个Like佢。郑晴都觉得，如果个仔係「本民前」梁天琦同青年新政梁颂恆嘅合体，做父母嘅都几头痛。

作为事件主角嘅梁颂恆，前晚就係Facebook回应，贴出母亲煲的汤水照片，又引用苏永康歌曲《不想独自快乐》的歌词「我放任自负 懒理会某君不喜欢」，佢留言话「生仔真的唔好似梁颂恆，生存不了的……虽然我无吸毒，但令妈咪终日忧心忡忡，未能与她分担家裏的重担，实在心中有愧……有时候我会谂，妈咪生旧叉烧可能好过生我。」不过佢又话，庆幸妈咪同细佬一直撑佢「继续行正确的路」。唉，真係可怜天下父母心，梁颂恆识得讲对阿妈有愧，又识得将「港独」同「吸毒」相提并论，甘点解有正路唔行要行歪路呢？