有电视台寻日播出前港督彭定康（肥彭）嘅专访，「一国两制」差唔多行咗廿年，肥彭似乎对整个落实情况无可挑剔，话整体嚟讲「一国两制」运作得唔错，又话只要发生法院完全按照政府要求嚟判案、无新闻自由、人民公开批评政府就会被扣押，佢或者会同意「一国两制」并唔成功，但香港并唔係咁。老实讲，「一国两制」不嬲都係运作得好好，只係一小撮人係甘搞风搞雨搞「港独」，唔需要肥彭嚟说三道四啰！
不过呢，咪以为肥彭喺成个专访都讲好话？梗係唔係啦！呢个老政客惯左一啖砂糖一啖乜㗎啦，佢跟住就提到，《中英联合声明》无发挥出最好嘅状态，而根据《中英联合声明》，英国对香港人有责任，又留意到中方官员鲜有提及联合声明喎！所以话，肥彭成日都死心不息，香港已经回归祖国啦！唔係英国殖民地，中央政府一直坚持「一国两制」、「高度自治」、港人治港嘅方针，香港居民享受到前所未有嘅民主同自由，呢个係无可辩驳嘅事实。香港事务係中国内政，肥彭都係专心食蛋挞啦！
下一篇：：女中医串谋非法堕胎