上任后一直努力改善行政立法关係嘅特首林郑月娥，下周一将首次宴请立法会议员，佢寻日出席电台节目时，透露有四十多位议员答应出席，其中有九个係「泛民」。佢又形容自己对立法会嘅态度係「客随主便」，「叫我们来几次就来几次、叫我来多少分钟就多少分钟、叫我说话好、不说话也好。」佢认为释出善意换来嘅结果都唔差。林郑又话，自己处事係对事不对人，不会凡事都考虑建制或「泛民」嘅声音，但如果触及「港独」、「一国两制」等立场问题，必会依法办事。
林郑又大爆自己工时长，话「可能好叻嘅人可以好快一日几个钟就做完，或者我唔係几叻，每天做十六、七小时，去履行责任。」被问到丈夫林兆波是一直很支持她，还是会埋怨做十七小时时，林郑话：「当然有，他话我『黐线』，佢有几晚话我黐线㗎，话『两点几喇喂老婆』。」当主持问佢五年后会唔会竞逐连任时，林郑就笑住咁话：「你问林先生。」
下一篇：：没有了