张建宗：司局长落区绝非「做骚」\郑晴

图：张建宗指，新政府上任短短百日，各司局长已经亲身落区探访近50次，展现务实新风，零距离接触市民，聆听意见

中国传统习俗入面，BB出世一百日会行「百日礼」。唔讲唔知，原来寻日亦都係新一届政府就任第一百日，政务司司长张建宗就以「务实有为显新风 零距离接触市民」为题，写咗网誌纪念呢个咁特别嘅日子，仲话呢短短百日内，各司局长已经亲身落区探访近50次，司长话佢哋非常重视民意同尊重区议会的角色共谋发展，每次都逗留到唔愿走，绝对唔係「HI-BYE式」嘅「关公」做「骚」伎俩。

张建宗讲到，今届管治问责团队希望为香港带来新气象，最具体及由零开始到落实的措施，莫过于通过每年增加36亿元的教育经常拨款。又提到特首已经委任多位副局长及政治助理，团队已接近「齐脚」阶段，依家团队有个目标，希望各司局长上任头两年都可以行晒全港18区，唔係斋行，係与市民同行，听市民尽诉心声，反思及改进不足之处。

唔好以为有蜜月期，司长话上任呢百日一啲都唔风平浪静，好似八、九月期间，香港虽面对两次强颱风吹袭，但各部门嘅同事就展现咗佢哋嘅应变和专业能力，以及基建防御措施发挥效力，令香港安然渡过。他又充满信心咁话，未来五年香港会面对不少挑战，但深信只要同心协力、同舟共济，必定能冲破障碍，推动香港向前迈进。