何君尧联署促理大炒郑松泰

立法会议员何君尧（Junius）早前发起促港大革走「佔中三丑」之一戴耀廷嘅网上联署，之后举办吶喊大会同时引起广泛回响，不过反对派无视戴耀廷嘅恶行，反而转移焦点，对何君尧穷追猛打，无限放大何君尧「杀无赦」嘅言论。一时又去律师会投诉，一时又去廉署，而毛孟静等人仲喺立法会内会提出谴责动议添。不过，Junius一啲都无惊过，寻日仲分享咗一条要求理大辞退郑松泰教职嘅网上联署连结呢！

唔通呢个联署又係Junius搞嘅？其实呢个网上联署流传咗都有一个星期，内容就係话郑松泰两度把建制派议员桌上国旗和区旗展示品「倒插」，案件已于东区裁判法院裁定罪成，亦都留有案底。理大校方和人事部等应撤去郑嘅教职，以免学生受一个已犯案嘅人再喺课室荼毒。

郑晴问过Junius，佢都话对郑松泰当然有意见，因为郑松泰两条罪都成立，有案底，与教师身份根本唔称职，所以都有联署，仲喺Facebook分享连结。咁Junius又会唔会发起革走郑松泰嘅行动呢？佢就话未有计划，不过如果有团体或组织想佢帮手，佢都乐意协助。