黄大仙祠开放日 求巨籤好「打卡」

去啬色园黄大仙祠参拜，唔一定要等初一十五，或者係上头炷香嘅日子。寻日国庆假期黄大仙祠就举行开放日，仲开放咗平日不设公众入场嘅太岁元辰殿，仲有舞龙醒狮表演，吸引咗大批善信到场，人头涌涌，香火鼎盛。

现场仲有唔少「打卡位」，最抢眼一定係约米半高、放满上上籤嘅巨型籤筒啦，唔少男女善信都争住影相。此外，场内仲展示黄大仙100支灵籤的籤文，同大家分享每支籤文的故事及含意，更设求籤步骤和方法之资讯板，郑晴都希望大家抽到大仙嘅上上籤啦！