特首林郑月娥寻日上任满三个月，佢喺facebook发帖分享过去三个月到访过的海内外创科机构。林郑仲话，过去三个月嘅特首生涯，讲得多嘅係教育、房屋，但学得多嘅係创科。佢话，科技应用除咗可以为香港经济注入新动力，又可以帮助解决社会问题，既为青年人开拓更多优质工作，又较适合青年创业。「我相信香港有优势，但仍须政府推动同埋支持。我会点样帮香港喺创科之路急起直追，大家请留意我喺10月11日公布嘅《施政报告》啦！」讲到明会有新方向，睇怕香港好快唔会再畀人话，最in都係得张八达通卡喇挂！
特首为香港人尽心尽力，前排仲重感冒，有网民就喺佢facebook好体贴咁留言话：「喜见你一直不停地去各地取经及製造商机给予香港人。继续努力但要保重身体。」而市民对林郑的第一份《施政报告》仲有好多不同期望。当然讲得最多的都係房屋问题，有网民话，「期望有好房屋政策出现！让香港市民安居乐业。」
下一篇：：香港快运表示因后备人手不足,致取消黄金周18班航班