京腔Rap清唱《康定情歌》

「跑马溜溜的山上，一朵溜溜的云哟……」寻日朝早特区政府嘅庆祝国庆酒会表演当中，四名香港青年演唱嘅四川民歌《康定情歌》原本温婉动人，忽然间，一声「伊，呀」嘅京腔乱入，即刻吸引咗全场嘉宾嘅注意。歌曲随后又转为Rap（饶舌），仲有一班街舞青年从旁配合，中西结合，令人耳目一新，成为全场亮点。

呢四名青年原来係以清唱为特色嘅组合「一铺清唱」，负责改曲嘅成员陈智谦同郑晴讲，因係国庆节，所以想喺原曲中加入更多嘅中国元素，而第一反应就係京腔。

至于加入摇滚同埋Rap，係希望体现香港中西荟萃特色。咁有心思同创意，郑晴忍唔住要为佢哋喝一声彩啊。