港东港西：叶太建议高永文灭鼠可请教「鼠王芬妹妹」

今日时报网6月7日讯 民建联蒋丽芸（Ann姐）一向都好关注鼠患问题，寻日佢就喺立法会度问政府会唔会考虑训练流浪猫捉老鼠，同时解决鼠患同流浪动物问题，仲话美国而家已经有机构咁样做，仲成为美国其中一个最有效嘅灭鼠方法。

唔少议员都对Ann姐嘅建议同局方一向嘅灭鼠办法提出意见。新民党主席叶刘淑仪就认为，灭鼠其实都係好专门嘅工作，需要有专业知识嘅专家，问局方如果无专家，会唔会问下「鼠王芬妹妹」(经民联梁美芬)，喺广州带啲嚟香港解决鼠患问题。

梁美芬之后都有发言，佢话治鼠患係民生大事，佢亦因为治鼠患有花名，「唔紧要架，希望18区都有鼠王，区议员同立法会议员一齐跟进！」不过梁美芬就不满政府嘅治鼠工作太陈旧，又话与其训练猫，不如训练人，做好政策先更加有效呀。