图：香港迪士尼总饼师陆继光称，不时透过揣摩角色，来掌握角色个性 今日时报记者谢进亨摄
「铁甲奇侠」近日再度热爆！香港迪士尼嚟紧1月11日，有新机动游戏「铁甲奇侠飞行之旅」开幕外，乐园仲推出铁甲奇侠造型嘅甜品。每款甜品咁传神，原来係师傅睇晒咁多集电影，仲当自己係演员咁揣摩角色嘅神髓，先至能够製作而成。有机会品尝嘅话，「相机先食」是常识吧！
郑晴听香港迪士尼总饼师陆继光透露，每次迪士尼推出新主题时，大约畀两个月时间佢去构思新甜品。以今期主打嘅铁甲奇侠为例，甜品造型参考角色心口嘅能源器、头盔同双手，明眼人一望就知！至于馅料就选用朱古力脆脆，个口感就好似铁甲奇侠，充满「爆炸性」。师傅仲话，整饼要顾及埋食客进食，情愿每件整细少少，方便入口之余，仲可以试多几款。
甜品整到艺术品咁，郑晴当然食唔停口啦，真係要套用电影「美国队长」嘅经典对白，同铁甲奇侠讲声：「I can eat it all day（我可以食足成日呀）！」
下一篇：：港大生假推荐信求职判社会服务