刘国勋办公室雪柜「被爆格」

圣诞长假期话咁快就过咗，意味一众打工仔要离开被窝起身返工。虽说立法会嘅假期未完无会开，但民建联立法会议员刘国勋（Edward）寻日仍然晨早返立法会处理公务，点知一返到去就发现办公室个雪柜「被爆格」，究竟係咩玩法？

原来係Edward办公室嘅小雪柜太低温，导致雪柜两罐梳打水「爆炸」，连铝罐个盖都摧毁埋。

Edward喺Facebook帖文时仲化身「刘Sir」教物理，解释爆罐原因，话水结冰时体积膨胀，而且汽水中溶解的二氧化碳会释出，导致汽水冷冻后体积增加，罐内产生更大压力，使罐变形甚至被撑爆。

Edward同郑晴讲，雪柜入面仲有五、六罐梳打水，因为摆咗喺雪柜门嗰排无咁冻，所以安然无恙，仲话好彩同事已经喺假期前清晒雪柜食物，加上梳打水无糖，唔会「甜啫啫」，不然会更难清理。原来係虚惊一场，虽然今次「爆格」令啲梳打水「壮烈牺牲」，不过人无事就好啦！