讲起朱宝生，大家未必知佢係边个，但係一讲个七月书展开幕，有位电车男一马当先跑去买鸡排妹写真，但点知原来未出，大家係咪有印象呢?当日睇到呢单新闻真係笑到肚痛。呢个朱宝生原来係热狗，因为今年声援旺角暴动被捕者同爱国人士发生冲突，结果被控普通袭击罪。佢今日接受《苹果日报》专访，话经过今次案件之后，而家淆底同心灰意冷，仲觉得有啲后悔添。「我自己觉得对社运心灰意冷啰。我(依家)最多会喺facebook度留一两句言啦，但係唔会再出嚟啰。」
难得呢位鸡排妹头号粉丝浪子回头，热狗当然咬实唔放啦，不断留言闹爆朱生。网民司徒小龙声称：「係咪恨出名恨到痴左(咗)线？几多次响前面你无X端端上晒头，几多手足拉X住你等你唔好又衰冲动？ 而家你反骨仲要抹黑热狗？你食鸡扒食X懞(矇)左？」嗱，朱生，睇到热狗真面目啦！不过咁大个人，明知热狗係咁嘅本质都要同佢哋同流合污，真係唔抵可怜！
下一篇：：马国明承诺穿黑丝袜回馈观众