港东港西：国钧教你议事规则

立法会今朝复会，辩论教育界叶建源提出「下任教育局局长须具备的条件」议案。原议案的内文七行文字，有四行半都係闹紧教育局局长吴克俭，后面先娓娓道来所谓嘅条件。

民建联张国钧（Horace）就睇唔过眼，反对派呢个议案根本就係针对人多过提要求，所以动议修正案，将闹爆局长嘅句语删除，但都保留咗余下两行多少少嘅「条件」，亦无加入甚幺政治元素，原议案亦都因此变得名符其实啦。

点知Horace嘅修正案通过咗，令原议案无得闹人之后，反对派竟然喺最后投票全部投晒反对票，将叶建源本来对下任教育局局长条件嘅要求都否定埋！

Horace之后就喺社交网站同大家分享「议事规则」小知识：「世界就是这样讽刺！由于我提出修订叶建源原议案的修正案获得通过，因此其后叶建源的原议案必须通过，我对他的修正议案才有意思。结果是我和建制派各同事在表决时全力支持叶建源的原议案，而叶建源和反对派则全力反对叶建源的原议案。大家听得是否有点精神分裂呢！？」

坦白讲，今日呢件事就係反对派成日为反而反嘅最佳例证，无得闹人就连原议案真正有建设性嘅部分都唔要，到底当初动议嘅原因係咩？大家心照不宣啦。