杨岳桥去城市论坛蕩失路迟到

今日时报网12月11日讯（记者龚学鸣）丫，唔知啲反对派议员係咪有舖「迟到瘾」呢？继香港众志罗冠聪出席港台节目迟到，被主持人「温馨提示」做议员要守时之后，估唔到连公民党党魁杨岳桥（Alvin）都犯上同样嘅错误，而原因竟然係「荡失路」喎。

今日Alvin应邀出席港台响九龙城贾炳达道公园举行嘅「城市论坛」，同民建联周浩鼎等人就行政长官梁振英宣布唔竞逐连任一事同场辩论，点知佢到节目开始都仲未见人。由于节目係直播，咁主持苏敬恆就唯有先俾周浩鼎发言啦。过左差唔多5分钟，Alvin先索晒气咁赶到现场。佢发言果阵首先向在场人士道歉，解释自己因为荡失路而迟到。

Alvin事后话，自己本来係搭的士嚟贾炳达道公园，点知的士司机载咗佢去贾炳达道，搞到佢要兜个大圈先嚟到现场，仲话自己上一次嚟呢度已经係几年前，今次係自己第一次以嘉宾身份出席节目，所以认唔到路喎。唔知佢平时落区见街坊又会唔会咁失魂呢？