吴永嘉派飞宣传工展会

今日时报网12月7日讯（记者许嘉信）一年一度嘅工展会又到喇！工业界立法会议员吴永嘉(Jimmy)今日就响立法会向传媒派入场劵，帮手宣传。Jimmy话，自己今年已经派咗一千张飞，加上做咗立法会议员，多咗人问佢攞飞，预计今年会派到二千张。

今年工展会将于今个星期六开幕，至出年1月2日结束。行政长官梁振英同中联办主任张晓明都会主席开幕仪式。Jimmy话，厂商会一如既往举办「工展显关怀」活动，邀请一批基层家庭参加工展会，除咗向每个家庭提供五百蚊用作场内消费，仲安排义工陪佢地一齐参与。

Jimmy又话，厂商会将会响除夕夜举行倒数活动，邀请几千位老人家入场一齐迎接2017年之馀，亦作为厂商会庆祝香港回归20周年嘅头炮活动添。